படமும் கருத்தும் by Veena and Vidhya

 

வாழ்வின் கனவு அங்கே

வான் ஊர்தியில் பறக்க

நினைவுகள் மட்டுமே 

பரிசு புது மணப்பெண்ணுக்கு

வருவான் வருவான் 

தன்னை மணப்பான்

என்ற ஏக்கம் தீர்ந்து

நின்ற அவளுக்கு

 அவளை அடைந்தும்

அகன்று சென்றான்

வேலை நிமித்தமாய்

பொருள் சேர்க்க வேண்டிய 

கட்டாயத்தால்

பின்னாளுக்காக சென்றான்

இந்நாளின் மகிழ்ச்சியை

விடுத்து

பல நினைவுகளோடு அவனும்

மௌன மொழி மட்டுமே

அரங்கேறும் 

அங்கங்கள் மனதால் பிரிந்தாலும்

தங்கம் தானே !

பிரிவு ஏதும் இல்லாது

போனாலும்

அங்கே

வசந்தம் கொணறாது

ஊடலும் பின் கூடலும்

இலக்கியங்களில் மட்டுமல்ல

நிஜத்திலும் உண்டு

- Veena 

கனவிற்கும் நிஜத்திற்கும்

 இடையேயான காதல்

 வானூர்தியில் பறக்க, இதுவும்

 நிஜமாகும் என்ற கனவில்

 மிதக்கின்றன ஆசைகள்,மீண்டும்

 கனவல்ல நிஜம் மென உறக்கத்தை

 தள்ளி வானூர்தில் பறக்கிறாள்..

- Vidhya