அந்த ஒரு நிமிடம்
அந்த ஒரு நிமிடம் நான் பேசியிருந்தால்
உண்மையின் தத்துவத்தை விளக்கியிருப்பேன்
அந்த ஒரு நிமிடம் நான் உதவி செய்திருந்தால்
என் வாழ்வில் மனநிம்மதி கொண்டிருப்பேன்
அந்த ஒரு நிமிடம் நான் தாமதமாக போயிருந்தால்
என் வாழ்வில் பெரிய வாய்ப்பை இழந்திருப்பேன்
அந்த ஒரு நிமிடம் நான் விழித்திருந்தால்
என் கணவனின் அன்புக்கு பாத்திரமாகியிருப்பேன்
அந்த ஒரு நிமிடம் நான் கணவனோடு சென்றிருந்தால்
என் கணவனின் மனத்தை மாற்றியிருப்பேன்
அந்த ஒரு நிமிடம் நான் மௌனமாக இருந்திருந்தால்
கணவனிடமிருந்து விவாகரத்து பெறாமலிருந்திருப்பேன்
அந்த ஒரு நிமிடம் நான் தூங்காமல் இருந்திருந்தால்
என் தந்தையின் உயிரை காப்பாற்றியிருப்பேன்
அந்த ஒரு நிமிடம் நான் தனித்திருந்தால்
வேலையில் கூடுதல் கவனம் செலுத்தியிருப்பேன்
அந்த ஒரு நிமிடம் நான் மனம் மகிழ்ந்திருந்தால்
காதலுக்கு வெற்றி கொடுத்திருப்பேன்
அந்த ஒரு நிமிடம் நான் மௌனமாய் இருந்திருந்தால்
என் பொறாமை குணத்தை புதைத்திருப்பேன்
அந்த ஒரு நிமிடம் நான் சமாதானம் அடைந்திருந்தால்
பேராசை வேண்டாம் என முடிவெடுத்திருப்பேன்
அந்த ஒரு நிமிடம் நான் சோர்ந்து இருந்திருந்தால்
அடுத்த தலைமுறைக்கு நல்லவளாகயிருந்திருப்பேன்
அந்த ஒரு நிமிடம் நான் உண்மையை சொல்லியிருந்தால்
தோழியிடம் நம்பிக்கையற்றவளாக மாறியிருப்பேன்
அந்த ஒரு நிமிடம் நான் பொய் சொல்லியிருந்திருந்தால்
என் வாழ்வில் முன்னேறியிருப்பேன்
இவை யாவும் நாம் காணும் சந்தர்ப்பத்தின் அந்த ஒரு நிமிடம் தான்
No comments:
Post a Comment