படமும் கருத்தும் by Veena Shankar

 

கைத்தலம் பற்றியதால் 

மட்டுமே இந்த உரிமை

கால்கள் பற்றிக்கொள்ள

மோகங்கள் மௌனமாய் பேசும்

விடியல் வரை

அரங்கேறும் 

வாசலில் கோலம் பூக்க

ஜாலம் அறைக்குள்ளே என்றென்றும்

 தொடர்கதையாய்

நர்த்தனம் கால்களால் ஆட

உடல் அசைவுகள்

மொழி பேச

முகம் அபிநயங்கள் காட்ட

உதடுகள் ஆட்டத்திற்கேற்ப 

அசைந்து கொடுக்க

வார்த்தைகள் மட்டும்

மௌனமாய் இருக்க

அரங்கம் இசையில் குளிர

யாருக்காக இந்த 

படைத்தவனின் நடனம்

அவன் கண் அசைவில்

நாம் ஆடுகின்ற நிலையில்

அவன் நாட்டியமும் 

சபையில் அரங்கேறி

நம்மை சிலிர்க்க வைக்கிறதே

அவன் ஆட நாம் ஆட

உலகம் எனும் நாடக

மேடையில் அவன் 

ஆட்டுவிக்கும் நடிகர்கள்

 நாம் தானே!