படமும் கருத்தும் by Veena and Vidhya

 

 தந்தை ஓர் அடி வைக்க

மகளும் தன் கால்களால் 

அடி வைக்க 

முன்னதின் முயற்சி

பின்னதின் வளர்ச்சி

சொல்லி மாளா பாசம்

அங்கே மௌனமாய்

உறவாடும்

தந்தை மகள் பாசம்

 சிசுவாய் உருவான நாள் முதல்

தந்தையின் பாசமும்

ஒன்றி விளையாடும் சகோதரனின் அன்பும்

கரம் பிடிக்கும் கணவனின் காதலும்

சொல்லும் ஒவ்வோர் காலடியும் 

வாழ்வின் வெற்றியை

சுகமாய் சுமப்பது எப்படி என்று

- Veena 

ஒரு கால் தரையில் ஊன

ஓடோடிய மறு கால் ,

ஒரு கால் ஓடும் முன் ஓடி நின்ற

 மறு கால்,

ஒரு கால் நோகக்கூடாதென்று 

ஓடி தேய்ந்த மறு கால்,

ஒருக்காலும் மறக்காமல் தாங்க

 போகிற ஒரு காலை எண்ணி

கனவு காணும் மறு கால்!

இரு கால்களும் பேசும் தருணம்,

பேச ஒன்றும் இல்லை ஆனால்

 பாச போராட்டம்

 வார்த்தையில்லாமல் 

மோதும் தருணம்,

போய் வா மகளே எங்கு

 சென்றாலும் தொடரும் என்

  நிழல் துணையாக ,ஆதரவாக 

 அதை சொல்ல அவசியமில்லை.

- Vidhya