காலனின் ஆசையில் அரங்கேறிய நாடகம்
முடித்து வைக்கப்பட்டது கண்ணீர் அஞ்சலியில்
ஆசைக்காக ஒரு முறை பயணம்
ஆடம்பரத்தை காட்டவும் இந்த பயணம்
இயல்பான தேவைக்கு இந்த பயணம்
ஈட்டியதை சொகுசாய் கரைக்கவும் இந்த பயணம்
உற்றாரை காண வேண்டி இந்த பயணம்
ஊழ்வினை துரத்தியதால் இந்தக் பயணம்
எல்லைக் கோட்டை தொட வேண்டி இந்த பயணம்
ஏற்றம் பெறவும் தூண்டியது இந்த பயணம்
ஒட்டு மொத்த குடும்பத்தின் இந்த பயணம்
ஓலமிட வைத்ததும் இந்த பயணம்
நிற்கதியாய் நிற்கும் உறவினருக்கு
ஆறுதல் சொல்ல தெரியவில்லை
எதற்கும் துணிந்தே இந்த பயணம் என்றாலும்
கண் வழியே கண்ணீர்
வார்த்தை இழந்த நாவு
கோர காட்சி மட்டும் முன்னே
நடந்ததை நம்ப மறுக்கும் செவிகள்
எல்லாம் அரங்கேறின
நாடக மேடையில்
நாடகம் போல் அல்லாமல் நிஜமாய்
நடிக்கும் நடிகர்கள் மட்டும்
நிழலாய்
பிணமாய்
எரிக்கவும் புதைக்கும் அடுத்தவருக்கு சிரமமே
என்பதால் என்னவோ
அனைவரும் சாம்பலாயினர்
சில மணித்துளிகளில்
தேற்றிக் கொள்ள மனம் மறுக்க
அனைத்து உறவுகளும் நண்பர்களும் நடைப் பிணமாய் இங்கே
ஆகாயம் பக்கம் என்பதால் அங்கே
ஐக்கியமாக நினைத்ததோ இந்த உயிர்கள்
மாறின காட்சிகள் இங்கே மனதில் படமாய்
உண்மையில் இது கனவு என்றால் கூட ஏற்றுக் கொள்ள முடியாது தவிக்கிறது அனைத்து நெஞ்சங்களும்
பிரிந்தவை நம்மிடமிருந்து பிரியாமல்
இருக்க ஏற்றுவோம் நெஞ்சில் கண்ணீர் தீபத்தை
No comments:
Post a Comment