" தாய் " அன்னையர் தின கவிதை by Veena Sankar

 தாய்

அன்று உதிரம் சிந்தி என்னை ஈன்ற-தா(ல்)(ய்) 

இன்று நான் உயிர்  பெற்று நிற்கிறேன்

என் கரம் பிடித்து  என்னை நீ தாங்கிய-தா(ல்)(ய்) 

உன் மனம் குளிர நான் இருக்கிறேன்

 

நீ  ஆசைப்படாமல் வாழ்க்கை நடத்திய-தா(ல்)(ய்) 

நான் மாட மாளிகையில் வாழ்கிறேன்

 

என் தவறுகளை சுட்டிக்காட்டி வளர்த்த-தா(ல்)(ய்) 

நான் சரியான பாதையில் பயணிக்கிறேன்

உன் பாசம் கொண்டு என்னை  வடித்த-தா(ல்)(ய்) 

நான் பரந்த மனதோடு இருக்க விழைகிறேன் 

நீ கனவு  கொள்ள  சொன்னதா(ல்)(ய்)

நான் விரிந்த உலகில் மிதக்கிறேன்

நீ  பொறாமை இல்லாமல் வாழ்ந்த-தா(ல்)(ய்)

நான் உன்னைக் கண்டு பெருமை அடைகிறேன்

 

உன் செயலால் நீ கோபுரத்தில் நின்ற-தா(ல்)(ய்) 

நானும் உன் நிழலாய் இருக்க விரும்புகிறேன்