சூதாட்டத்தில் வெல்லவும் மதி வேண்டுமே
அதே மதியும் கேட்கும் மீண்டும் விளையாடச் சொல்லி
மதியின் காலம் தொடர்ந்தால் மட்டுமே வெற்றி
இல்லையேல் விதியின் விளையாட்டு
தொடங்கி விடும்
விளையாட்டில் மேலும் போகலாம் கீழும் இறங்கலாம்
இறங்கிய பின் ஏற்றம் கொள்வது கடினம்
உழைப்பும் கடின முயற்சியும் இருந்தால் மட்டுமே
மீண்டு வரலாம்
மீண்டு வந்த பின்னே திரும்ப வீழ்வதும் அரிதே
வீழ்ந்ததால் கற்ற பாடம் கை கொடுக்கும்
சிரம் தாழ்த்தி பிறரிடம் கரம் நீட்டினால்
நிச்சயம் அரியணை ஏறும்
மனதும் மெய்யும் வாழ்வும்
கீழே இருக்கும் பலத்தை பொறுத்தே
மேலிருக்கும் இடம் நிலைக்கும்
கீழே ஆட்டம் கண்டால் ஓட்டமல்ல,
எதுவும் தரை மட்டமாகிவிடும்.
No comments:
Post a Comment