இது தலைமுறை இடைவெளி அல்ல
பாசத்தின் போராட்டம்
வார்த்தைகள் இல்லா மொழி இல்லை
அன்பு காட்டா உறவு இல்லை
நேசம் கொள்ளா நட்பு இல்லை
ஆனால் பொக்கை வாய்
சிரிப்பிற்கு
இந்த பந்தம் போதுமே
வெள்ளை மனதை திறந்து காட்ட தேவையில்லை
இந்த வாய் மூடிய
புன்னகை மட்டும் போதுமே இங்கே ஓராயிரம் உறவு
என்னும் தூண்களை தாங்க
இயலாமையால் இரண்டும் காத்துக் கிடக்கின்றன
இயன்றவரின் உயர்ந்த உள்ளத்திற்காக!
அகதிகளாய் வந்தாலும்
வெகுமதி கொடுத்து
ஊக்குவிக்கின்ற உள்ளம் உண்டு தானே?
நடை பயிலும் குழந்தைக்காக
நடை தளர்ந்த முதியவளின்
அன்புப் பரிசு அவள் தரும் பாசமே!
என்றும் எதிலும் முதலாய் வர
இலக்கை நிர்ணயம் செய்வது யாரோ?
முடிவாய் வந்தாலும் முயன்றதற்கு ஊக்கம்
கொடுத்து அரவணைப்பவளும் அவளே!
அன்னையே!
அன்பே!
அரிதாரம் இல்லா மனமே!
அகந்தை காட்டா அகமே!
சொல்வது எளிது
தொடர்வது கடினம்
உண்மை எளிது
நடிப்பது கடினம்
பாசத்தின் ஊடே
எவரும் நுழைவது கடினம்
அதை உணர்வதும் கடினம்
No comments:
Post a Comment