படமும் கருத்தும் by Veena and Vidhya

 

தோள் பாவையாரை ஆட்டுவிக்கும் 

தோள்கள் இங்கே

தான் தோள் நிமிர்ந்து நடக்க

பிறருக்கு தோள் கொடுத்து உதவ

 அறிவியலின் அதீத கண்டுபிடிப்பில்

மறைந்து போன ஆட்டங்கள்

அதை 

மறந்தே போன மனிதர்கள்

அதனால் 

கலைந்து போன கிராமிய கூட்டங்கள்

ஆதலால் 

வறண்டு போன அவர் தம் வாழ்வுகள்

திரைக்கு முன்னாலும் ஆட்டம்

அதன் பின்னாலும் ஆட்டமே

பின்னல்களின் கூட்டணியில்

கரங்கள் கோர்க்க

கதைகள் பிறக்க

செவிகள் ஈர்க்க

காட்சிகள் நிற்க

ரசிகர்கள் களிக்க 

நேரம் கழிக்க

காண்ப வரை மகிழ்விக்க 

வாய்ப்பும் கிடைக்க

கிடைத்த வருவாயில்

வாழ்வை கடக்க

தோள்கள் மட்டுமே 

ஆட்டம் கண்டது

மரணத்திலும்

- Veena 

ஆட்டுவிக்கும் கருவி ஒன்று ஆடும்

 பொம்மைகள் இரண்டு ..

கருவியின் ஒருங்கிணைந்த

 அசைவால் இவை காற்றில்

 ஆடுகின்றன..

கொஞ்சம் தடுமாறினாலும்

 ஆட்டமிழக்க ,கோஷம் எழும்ப

 வேஷம் களையும்..

பலரின் கைதட்டலுக்கு அசையும்

 இவை ,அலை அலையாக

 எண்ணத்தை தூண்டி பல வடிவம்

 பெறும் சிந்திப்பவரின்

 மனதில்,கரையும் இனிப்பாக

 காணாமல் போகும்.

- Vidhya