சிந்தனைக்குரிய பகுதி -"சித்திரத்தின் அழகு" by Kiruthika

 

*முதுமை அழகு*

என் 

முட்டை கண் தான் அழகு ..

சுருண்ட மேகமுடி தான் அழகு..

மெலிந்த மேனி தான் அழகு..

முத்து பல்வரிசை தான் அழகு..

என நினைத்திருந்தேன்...!..

உன் -

பொக்கை வாய் சிரிப்பை பார்க்கும்வரை..!

பாலைவரிகளாய்

கோலமிட்ட உன் ‘முக’வரிகள் பார்க்கும்வரை..!

குழந்தை சுமக்கும் 

தொட்டில்போல் -கம்மல் சுமக்கும் உன் செவியழகை 

பார்க்கும்வரை...!

கம்பு பிடிக்க ஏதுவாக

கூன் விழுந்த உன் மென்தேகம் 

பார்க்கும்வரை...!

வெள்ளி இழைகளாய்..முளைத்த

உன் கருப்பு வெள்ளை கூந்தல்

பார்க்கும்வரை...!!!..

இதோ-

உன்னை -நீ பாதி மறந்த பின்னும்

மறவாது - உன் பேரபிள்ளைகளை 

காணும்போதெல்லாம் சாப்பிட்டாயா என கேட்கும்போது..

உணர்ந்து அறிந்தேன்..

அழகு - 

இளமையின் முகத்தில் அல்ல..

முதுமையின் முதுகில் தான் என்று..!!