காக்கி உடையில் வந்து
சிவப்பு திருடனை கைது செய்து
மக்கள் கூடத்தை கைப்பற்றிய இவர் தன்
விலாசம் தொலைத்தார்
கதைகள் பல பேசின இங்கே
அது தன் முகவரியை இன்று தொலைத்து
தெரு முனையில் காட்சி தந்து
ஊரை விட்டு ஓடிப் போன
சிவப்பு மிராசுதார்
ஆட்சி மாறினாலும் இடம் மாறாத
பெட்டியை ஒட்டு மொத்தமாக
ஒழித்துவிட்டனர் ஆட்சியாளர்கள்
கனவுகள் பல சுமந்து
சென்ற காகிதம்
ஓர் பெட்டியில் அடக்கம்
வகையாய் பிரித்த பின்
பிரிந்தன உறவுகள் அங்கே
இடத்தின் பெயரால் சேர்ந்தன
என்றாலும்
கொடுப்பவர் அவர் வருகை
எதிர்ப்பார்த்து காலையும் மாலையும்
நின்றன மக்கள்
தங்கள் உறவுகளின் செய்தியறிய
ஒருவர் இட்ட இடத்திலிருந்து
மற்றவர் இடத்திற்கு
தானே பயணிக்க
படித்து அறிந்ததை விட
படிக்காமல் அவர் சொல்லி
அறிந்த மக்கள் கூட்டம்
இழந்தது உணர்ச்சி
புது வரவால்
அது சோகமென்றாலும்
சுகமமென்றாலும்
-வீணா
பல கனவுகளை ,அன்பை,
ஏக்கத்தை,காதலை,துக்கத்தை
பரிமாறிய ,தூக்கி சென்றவன்
சத்தமில்லாமல் சமதியானன்
மீண்டும் வருவானா எழுத்துக்கள்
எழுத மறக்கும் முன்!
- வித்யா
No comments:
Post a Comment