நித்தம் படி by Vidhya Nivash

 

நித்தம் படி!

நிற்க இடமில்லாத பேருந்தில் நெற்றியில் வடியும் வியர்வையை விலக்கி பொறுமையை படி..

ஓடும் ஆற்றில் பாடும் காற்றில் இசை படி..

தாலாட்டு பாடும் குயிலிடம், பகலில் உறங்கும் ஆந்தையிடம் தூக்கம் படி..

அம்மியில் ஆட்டும் அத்தையிடம் பக்குவம் படி..

தொட்டியில் தூங்கும் பிள்ளையிடம் வெகுளிதனம் படி..

பள்ளி செல்லும் ஆசிரியரிடம் அனுபவம் படி..

தந்தையிடம் பொறுப்பை படி..

தாயிடம் அதிகாரத்தை படி..

உடன்பிறப்பிடம் விட்டுக்கொடுத்தல் படி..

நண்பரிடம் உதவியை படி..

உறவிடம் நிதானத்தை படி..

தாத்தா பாட்டியிடம் அன்பை படி..

கடைசியாக தினமும் ஒரு முறை உன்னை படி..மாற்றம் வரும்!