படமும் கருத்தும் by Veena Shankar

 

 அதிகம் பேசும் நாவினை மட்டும் தைக்க தெரியாத இணை

 இணை பிரியா நண்பர்களின் கூட்டு முயற்சியில் பொலிவு

 பெறும் ஆடைகள் யாவும்

தனித்திருப்பது பிடிக்காது எப்போதும் ஜோடி சேரும் உறவுகள்

வெற்றிலை பாக்கு போலே 

சுடும் வார்த்தைகளுக்கு ஊசியும் 

ஆடையின் தரத்திற்கு நூலும் உவமையானதும் இங்கேயே

கூர் முனை செய்யும் தவறினால் கொண்ட கிழிசலையும் 

அதை கட்டி காத்து அணைத்து மூட நினைக்கும் நூலும்

உள்ளவரை கிழிசல்கள் இல்லை

ஆடையின் கிழிசல்கள் அடைபடுவதும்

தேவையுள்ள இடத்தில் பொத்தானுக்காக

கிழிந்து தைப்பதும்

உண்டு தானே ஆடையின் வடிவத்தில்

தாகம் தீர்க்கும் நீர் போலே அங்கம் மறைக்கும் கூட்டணியின் முயற்சி

உலகில் எவருக்கும் தேவையே