பள்ளிக்கூடம் by Veena Shankar

 

பள்ளிக்கூடம்

இங்கே வாழ்க்கை பாடமும் படித்ததை சொல்லவா?

தோழிகளோடு பழகிய அருமையான நாட்களை சொல்லவா?

சினிமா படங்களின் விமர்சனம் கேட்டதை சொல்லவா?

கேள்விக்கு விடை தெரியாமல் நின்றதை சொல்லவா?

ஆசிரியைக்கு சில சமயம் உதவியதை சொல்லவா?

அங்கே அறியாமை விலகி போனதை சொல்லவா?

இடைவேளையில் கேலி பேச்சுகள் அரங்கேறியதை சொல்லவா?

மைதானத்தை எனதாக்கிக் கொண்டதை சொல்லவா?

ஆசிரியர்களுக்கு வணக்கம் சொல்லி பழகிய கரங்களை நினைக்கவா?

வேலியாய் தோழிகள் சூழ குழு தலைவியாய் அமர்ந்ததை சொல்லவா?

தேர்வில் பார்த்து கூட எழுத தெரியாமல் விழித்து நின்றதை சொல்லவா?

காலையிலேயே என் உணவு தோழிகளால் களவாடப்படுவதை சொல்லவா?

மதிய வேளையில் வெறும் வயிறறுடன் இருந்ததை சொல்லவா?

அதையும் வீட்டில் சொல்லாமல் மறைத்ததை சொல்லவா?

ஆய்வாளர் வருகைக்காக நோட்டு புத்தகங்களுக்கு செய்த ஒப்பனையை சொல்லவா?

விளையாட்டு நேரத்தை எதிர்பார்த்து நின்றதை சொல்லவா?

பள்ளிபருவம் விரைவில் முடிந்ததை எண்ணி

தவித்ததை சொல்லவா?

பெற்றோரின் பிள்ளை செல்வங்களின் சோலை இந்த கல்வி சாலை

பள்ளிக்கூடமும் நம் நினைவு விட்டு நீங்கா ஓர் இடமே என்று மறைக்காமல் சொல்லவா?