இந்த வாரத்தலைப்பு "உணர்ச்சி" by Vidhya Nivash

 

தலைவன் அருகில் வரும் உணர்வை

 நினைத்தவுடனே  உணர்ச்சிவசப்பட்டு

 தலைவியின் கண்ணங்கள்

 சிவப்பதென்ன ..

ஒரு சொல் பொறுக்கா மனது

 அழுகையை அடக்கினாலும்

 உணர்ச்சிவசப்பட்ட மூக்கு

 சிவப்பதென்ன..

உணர்வற்ற நிலையில் மூச்சு முட்ட

 வலியின் உச்சத்தில் குழந்தையின்

 முதல் அழுகையை கேட்டு

 உணர்ச்சிவசப்பட்ட கண்கள்

 சிவப்பதென்ன..

பிறர் சீண்டும் சொற்களால் எவ்வளவு

 கோபத்தை அடக்க நினைத்தாலும்

 உணர்ச்சிவசப்பட்ட காது

 சிவப்பதென்ன..

எவ்வளவு மனகட்டுபாட்டோடு

 இருந்தாலும் உனை பார்த்த

 மாத்திரத்தில் உணர்ச்சிவசப்பட்ட

 நாக்கு ருசிக்க துடிப்பத்தென்ன..

உணர்வுகளை கட்டுப்படுத்த

 முடிந்தாலும் இந்த உணர்ச்சியை

 கட்டுப்படுத்த முடியவில்லையே..