குப்பைக் கிடங்கோ
குழந்தை பருகிய பாலில் கொஞ்சம்
ஆறிப் போன காபியும் மிச்சம்
ஆரோக்கியமான பழைய சோறும் மீதம்
இடி வாங்கி சமைத்த பாயாசத்தில் மிச்சம்
ஈ மொய்த்திடுமே என்று நினைத்து ஆட்கொண்ட இனிப்பும் சொச்சம்
கீரை கூட்டு கொஞ்சம்
ஒரு வாய் சாதம் மீதம்
விருந்தினருக்கு கொடுத்த பண்டங்களின் கலவை கொஞ்சம்
கணவருக்கு நறுக்கி கொடுத்த பழத்தில் பாதி மீதம்
உடம்பு சரியில்லாதவருக்கு சமைத்த கஞ்சியில் எஞ்சியது கொஞ்சம்
பிள்ளைகள் ஆங்காங்கே சாப்பிட்டு போட்ட பொட்டலத்தில் கண்டெடுத்தது கொஞ்சம்
இதற்கு நடுவே சமையல் அறுசுவையாய் இல்லை என்ற அச்சத்தில் கொண்டது மிச்சம்
போவது எங்கே? குப்பை தொட்டிக்கா? இல்லை அம்மாவின் வயிறு என்னும் குப்பை கிடங்கிற்கு.
எஞ்சியது , மிஞ்சியது, மிச்சம், சொச்சம், மீதி என்று பல பெயராலும் அழைக்கப்படும் பிறர் அருந்தாத உணவு சேருமிடம் அம்மாவின் வயிறு
No comments:
Post a Comment