எதில் திருப்தி by Veena Shankar

 எதில் திருப்தி

சாதம் நன்றாக குழையவில்லை

பருப்பிற்கு நெய் விடவில்லை

ரசத்தில் காரம் இல்லை

பருப்பு குழம்பில் உப்பு இல்லை

மோர்குழம்பில் தேங்காய் போதவில்லை 

வத்தகுழம்பில் சுண்டைக்காய் நிறைவாய் இல்லை

பொரியலில் கடுகு பொரியவில்லை

உசிலி நன்றாக வேகவில்லை

அரைத்துவிட்ட குழம்பில் மசாலா காணவில்லை

காரக்குழம்பில் நிறம் இல்லை

புளிக்குழம்பில் புளிப்பு போதவில்லை

துவையல் சரியாக அரைபடவில்லை

அவியலில் மணம் இல்லை

கூட்டில் காய் பொருத்தமாய் இல்லை

சித்ரான்னத்தில் வேர்க்கடலை போடவில்லை

எதிலும் கொத்தமல்லி வாடையில்லை

இனிப்பை வாயில் வைக்க முடியவில்லை

வடையில் அதன் வடிவமில்லை

பாயசத்தில் இனிப்பு தெரியவில்லை

அப்பம் மிருதுவாக இல்லை

அப்பளம் பெரியதாக இல்லை

வடகம் நன்றாக வருபடவில்லை

மோர் மிளகாய் கறுக்கவில்லை

தயிர் கெட்டியாக உறையவில்லை

முதலில் சாப்பிட வாழைப்பழமும் இல்லை

நிறைவாய் குடிக்க தண்ணீரும் ருசிக்கவில்லை

என்று சொல்ல எனக்கு வாய்ப்பில்லை. 

எதிலும் திருப்தியே கல்யாண சாப்பாட்டில்