மொழியில்லா உலகம் எப்படியோ..
வார்தைகள் இல்லா சைகை மொழி ஆதியாம்
அசைவின் மூலம் வரும் மொழி இசையாம்
கண்களில் பேசும் மொழி காதலாம்
கண்ணீரில் கலக்கும் மொழி வலியாம்
மனங்கள் கூடும் மொழி அன்பாம்
கைகள் கொடுக்கும் மொழி கொடையாம்
தலையை கோதும் மொழி பாசமாம்
தட்டிக்கேட்கும் மொழி உடன்பிறப்பாம்
சுட்டிக்காட்டும் மொழி உறவினராம்
விட்டுக்கொடுக்கா மொழி பெற்றோராம்
கூடவே வரும் பேசா மொழி துணையாம்
தடுமாற்றத்தில் தாங்கும் மொழி நட்பாம்
உணர்ச்சிப்பூர்வமான மொழி நேசமாம்
வார்த்தைகள் இல்லா உலகில்
இன்னும் மொழிகள் பல பேசுகின்றன
ஓசையில்லாமல்..
அருமையான மொழி விளக்கம் கண்டேன். வித்யா . வழிந்தோடும் கண்ணீரின் மொழி அரவணைப்பாம்.
ReplyDeleteஅழகு வீணா🙏
ReplyDelete