படமும் கருத்தும் by Veena Shankar

  

பாளம் பாளமாய் வெடித்த கோடுகள் தான் அவள் முகத்தில் 

செயலற்ற வைக்கும் கோடுகள்

 தன்னை மறைக்க அவள் போட்ட வண்ணங்கள் பகையாகியது அவள் உண்மை முகத்திற்கு வெகுமதி பெறாமல்

 வண்ணக் கோடுகள் தாம் அவள் முகத்தில் எண்ணக் கோடுகள்

சின்னக் கோடுகள் தாம் அவள் முகத்தில்

தீர்வற்ற கோடுகள்

பிரித்த கோடுகள் தாம் அவள் முகத்தில் 

வடுவுள்ள கோடுகள்

வலிகள் இல்லாமல் உண்மை பிறக்க,

வேண்டுவது வண்ணமிகு வார்த்தைகள் 

அழகாய் திறமை வெளிப்பட , வேண்டுவது வண்ணமிகு ஆற்றல்கள்

அழியா புகழ் பெற, வேண்டுவது வண்ணமிகு செயல்கள்

குறையா ஞானம் பெற, வேண்டுவது வண்ணமிகு சிந்தனைகள்

கூரைகள் வேயப்பட்ட வீடல்ல அவள் வண்ணமிகு முகம்

கோடுகளால் வரையப்பட்ட அனுபவ மாளிகையே!

மஞ்சள் குங்குமம் கொண்ட முகமாயினும் அதையும் மீறி தெரியுது அவளின் வரிமைக்கோடுகள்