வண்ண வண்ண மீன்கள்
துள்ளி துள்ளி வட்டமிடும் மீன்கள்
எல்லையில்லா நீரில் சுந்தரமாக சுற்றித்திரிந்த மீன்கள்
சுறா மீன்களை கண்டு துள்ளி ஓடும் மீன்கள்
இங்கு பல ஊரின் மீன்கள் ஒன்றாய்
ஓரே கண்ணாடி பெட்டியில் அடைக்கப்பட்ட மீன்கள்
நானே சென்று இடித்தாலும் துரத்தி வந்து கடிக்கா சுறா மீன்கள்
பார்ப்போர் கண்களுக்கு விருந்து நாங்கள் ஆனால் பல முறை சென்று கண்ணாடியில் இடித்துக் கொள்ளும் அப்பாவி மீன்கள்
பல நாட்டில் வசிப்போர் கைப்பேசியில் பிடிக்க பல ஊர்கள் சென்ற மீன்கள்
உண்மையில் ஒரே இடித்தில் அடைக்கப்பட்டு விடுதலைக்கு ஏங்கும் மீன்கள்
வண்ண வண்ண விளக்குகள் எங்களை அலங்கரிக்க,ஒரு பக்கம் செறிவூட்டப்பட்ட ஆக்ஸிஜன் வர,பலரின் பளிச்சிடும் சிரிப்புகளின் நடுவே மூச்சை அடக்கி,முனகலை அடக்கி ஈ என்று காட்சி தரும் மீன்கள்..
எங்களுக்கும் ஒரு நாள் விடுதலை கிடைக்கும் என்று காத்திருக்கும் அலங்கார மீன்கள்
No comments:
Post a Comment