அன்னையர் தின வாழ்த்து by Veena Shankar

 

அன்னையர் தின வாழ்த்து 

தங்கநகை பூட்டினாலும் அழகு

வெறும் மஞ்சள் கயிறு அணிந்தாலும் அழகு

பல் வரிசை தெரிய சிரித்தாலும் அழகு

புன்சிரிப்பு காட்டினாலும் அழகு

சுடராக ஒளிர்ந்தாலும் அழகு

பிறரை பாசத்தால் உருக வைப்பதிலும் அழகு

கருத்துடன் பேசினாலும் அழகு

காளியாய் மாறினாலும் அழகு

தடபுடலான விருந்தும் அழகு

நாள்தோறும் செய்யும் சிக்கன சமையலும் அழகு

நிதி அமைச்சராய் உருவெடுப்பதும் அழகு

நீதி சொல்லி பிள்ளைகளை வளர்ப்பதும் அழகு

குழந்தைகளுக்கு முன்னுதாரணமாய் திகழ்வதும் அழகு கணவனுக்கு இரண்டாம் தாயாய் மாறுவதும் அழகு

தோட்டத்து பூக்கள் போல தினம் மலர்வது அழகு

பிறருக்காக மாற்றி கொண்ட வாழ்க்கையும் அழகு

பாசத்தை ஊட்டுவதும் அழகு

பாரபட்சம் காட்டாத மனதும் அழகு

சரித்திரம் படைப்பதில் அழகு

சாத்திரம் புரிய வைப்பதில் அழகு

சார்ந்து வாழும் பண்பு அழகு

முகம் கோணா வார்த்தை அழகு

போதவில்லை நேரம் உன்னை போற்ற

உன் மடி சாய்ந்து உன்னை கிரகித்து கொள்ள ஆசை, ஒவ்வொரு குணமாய் கற்றறி்ய ஆசை